http://sammycafe.blogsome.com 給自己吹水的地方 Mon, 16 Nov 2009 20:59:05 +0000 http://backend.userland.com/rss092 en 上星期在 Director L 的 staff meeting, 有一個循例的 project 進度檢討。  每個項目的 Lead 要說說自己項目的情況，呢家嘢小弟本來駕輕就熟，想不到也要出一額汗。  話說每人輪流去講，到我講完，點知 F 哥的舊老細 ( 簡稱 F細 ） 批評我的其中一個決定。  站在純技術方面作考慮，他的批評有一定道理， 但我解釋，我作如此的決定是有如此這般的人事考慮。  我同時望望 Director L，他點頭認同。  想不到「F細」什不開心，將話題扯到冇雷公咁遠，講東講西，最後更加批評 「人人都覺得我負責的產品是癈的」。  這個批評明顯誇張冇人會信，但呢個 statement 殺傷力太大，我必須立即表明立場，不認同他所說的。  我說除了他之外，從未聽過有人下如此指控 （暗示他老作）；  之後舉出例證，說出產品這半年來所得到的成果，這有數據支持是不可否定的。  F細當然唔會咁易放過我，窮追猛打說出產品的幾個弱項，有些又係事實噃。  呢個時候，如從前的 blog 提個，總有人會加入戰圈暗踩一兩腳，我開始被圍摳，情況絕不樂觀。  幸好，小弟平時賣口乖的功德開始發生因果，經理「阿宗」插口嘗試打圓場。 此機會一瞬即過我立即找緊，支持「經理宗」的見解，先埋他堆，再多謝「 F細」給與的「意見」，之後說出幾個具體措施去改善情況。  Director L 靜了許久終於肯出聲，說這樣不錯，好啦說下一個 topic。   開完會後，F細拉我到一邊說有嘢要同我傾，Director L 又企係度聽埋一份。  我以為又要應戰，點知F細說的完全九唔搭八，是一件小事情，和開會時說的一D關係都冇。  我心諗，F細搞邊科！？  ... http://sammycafe.blogsome.com/2009/11/16/p193/ 剛剛睇完 MJ 的 This Is It, 成年冇入過戲院, 今晚專登抽時間去睇。  好好睇, 好好聽, 一氣呵成冇冷場。  MJ 好 fit, 又跳又唱, 充滿活力一 d 都唔似 50 歲。 成套紀錄片, 演唱會的幕後花蕠只起穿連作用, 主菜仍是 MJ 的歌。都是他演習時的現場錄音, 但質素仍十分好。  經典歌一首接一首, 壓軸 Billie Jean solo 跳舞, 完場 Man in the Mirror。 一代傳奇, 留下最好一面給喜歡他的人。  美國輿論形容 MJ 是第一個黑人歌手, 能得到全國白人的認同和喜歡。  我覺得不止如此, 他的音樂紅遍全世界每個地區, 更是大人細路都啱聽。  能唱歌, 能作曲, 能寫詞, 能跳舞, ... http://sammycafe.blogsome.com/2009/11/09/mj-this-is-it/ 今日阿女返學, 好開心咁穿起她的「小蝴蝶」妝扮。 去到學校, 班小朋友個個都著到有型有款, 但見其中一個打扮成海盜的, 則俾一班小朋友圍攻, 算佢唔好彩。 我自己呢就冇打扮啦, 一向對扮嘢興趣不大; 不過講開又講, 自己對上一次打扮是數年前, 在一個蚊型話劇, 我是要扮女人的, 真係世事難料呀。 又記得來到美國的第一年, 那時住在一個美國人的寄宿家庭。 一天, 有人按鈴, 我去開門, 竟見到一班打扮恐怖的小朋友, 向我說了一段聽唔明的英文。 那時我大鄉里英文又差, 完全唔知發生什麼事, 以為見鬼立即關門。  之後回去說給 host mom 知, 她笑說那是 Holloween trick or treat, 把門口的糖分給他們便是了。  Oh … 小朋友們, 真的不好意思啊。 http://sammycafe.blogsome.com/2009/10/30/holloween-fun/ 今天是跟太太十週年紀念, 以此 blog 作個紀念。 十年前, 那時跟 Felix 同一間公司, 我對他說, weekend 會飛去 Seattle 註冊結婚, 他好像有點錯愕, 那時跟他未算熟絡, 不過咁大件喜事, 點都要捉個人來講吓啦。  那年是 1999, 本來想 9月9日 註冊的, 唔記得點解, 最後冇揀到那天, 卻楝了十全十美的好日子。  雖然我地冇擺酒冇 party, 不過註冊儀式一樣記憶尤新, 那個法官好搞笑。 十年變化很多, 多了孩子, 房子, 學位, 白頭髮, 脂肪 … … 工作上仍是今日唔知聽日事, 這是唯一冇變的。 http://sammycafe.blogsome.com/2009/10/10/10-years-anniversity/ 今日同某人傾咗一d十分人事性的問題, 學到 d 嘢。 為了對當事人身份保密, 以下內容將說得十分隱悔。  一個非牟利機構, 「話事人」請了一個幫手「後生仔」。後生仔的處事風格和信念, 跟話事人十分不同, 加上後生仔唔太聽話又唔係好聽教, 話事人什為不滿, 磨合近一年也沒改善。 如此情況, 在普通公司, 後生仔早被炒了。 幣在呢個是非牟利機構, 更幣是後生仔人緣什佳, 不少人撐佢。  話事人只好開個「公聽會」, 人人可以參加討論, 之後由小組投票他的去留。     公聽會上正反雙方各表意見, 勢均力敵, 當然以話事人的說話最受注目。 他先說後生仔信念有問題, 這對整個機構不好。 呢點雖然見人見致, 卻是十分有力的理據; 一個大組織, 只可有一個大信念, 全部人跟著同一方向走。  話事人堅持這信念多年了, 各人信服和尊重, 只要大部人認同後生仔信念真的有問題, 一切便可定案。    不過, 話事人可能想加強自己理據, 說後生仔行為也不夠好, 如此這般 … … 想不到引來反效果, 支持後生仔的人舉出很多例子, 說後生仔的行為其實很好, 如此這般… …  咁樣搞一搞, 後生仔變成有值得同情的理由。  ... http://sammycafe.blogsome.com/2009/09/29/p189/ 剛剛收到消息, 一位我什敬重的長輩, 在澳門過身了, 特以此 blog 記念他。 他是我的姨丈, 也和我們同住一間大廈, 由我細細個開始到現在也是。  眾多親人當中, 他是對我特別好的一個, 每次見我只有讚沒有彈, 一向有是笑面對人的。  但試過一次, 可能他心情不好, 卻無端向我和媽媽大發脾氣,  我當時呆了不懂反應, 只是默不作聲。  他可能醒覺自己過份了, 後來態度媛和, 多年以後, 他有意無意提及此時, 暗示他的歉意。  雖然我一直不確定他那次發火的原因, 但人總有情緒失控之時, 所以我沒有因此對他反感, 只可惜此事太深刻一直無法忘記。 點到好, 我們時有來往, 五月回澳時我才拜訪他, 那是他還精神奕奕的。  想不到是突然發現到了癌症未期, 還未弄清是怎麼一回事便去了… http://sammycafe.blogsome.com/2009/09/09/senior-passing/ 今朝一返工收到 Director L 的電話留言， 叫我上去見佢。 這有點不尋常， 我帶著戰戰兢兢的心情去佢辦公室，一入去他叫我關門坐低， 一面凝重的說：  「Mr.P （我前任老細） 辭職了，因為穆哈默 （我現任老細）還在放假， 你可否代為轉告他的組員， 特別是之前隸屬 Mr.P 的 。。。還有，請準備一個 farewell lunch.」  原來只是叫我做嘢， 嚇得我呀。  不過，Mr.P 的 辭職， 其實是 Director L 一手設計， 這兩人關係微妙。 Mr.P 是印度人， 大我小小三字頭，但實力強橫，無論是技術知識，人際手腕，決策分析，都是一流人物。   Director L 的 staff 中，絕大部分是四、五十歲，但 Mr.P 仍 Director L 最重用的一個。  Mr.P 對自己 career 也十分有計劃， 不斷培養自己的班子，小弟算是被他鞭策的頭馬之一， 能 入 Director ... http://sammycafe.blogsome.com/2009/08/25/walking-with-tiger/ 去了新組後, 得到新老細「穆哈默」 的支持與嘉獎, 當然是好事, 但也要面對一些不能控制的人事問題。 老細要放假三星期, 要人代佢收 status report 同帶一次 staff meeting; 他選了我。  因我有去 director (即係我老細嘅老細) 的 staff meeting, 客觀來說, 我是較方便與經理層溝通, 所以是合理人選。  但有一個問題, 穆哈默組內有跟了他多年的得力工程師, 現在無端端要個新來的 run 個組, 你話佢地會點諗? 其實, 老細放假前, 他有私底下問我想唔想接呢個任務。 呢d情況, 是不可縮的, 所以答案只得一個, 是 yes。  當然我答得好小心, 不是懶叻咁, 而是抱著為老細辨事的審慎態度。 同時我也反映會否有其他組員唔高興的問題, 之後傾咗一輪都係去馬。 今日剛開完了 staff meeting, 成組十多人, 咁 run meeting 我有經驗, 已懂壓場和控制流程的技巧。 大部分組員十分合作, 報吓訊講吓笑, 正是開會最正確的態度。 ... http://sammycafe.blogsome.com/2009/08/21/tough-face/ 姪仔上星期終於過了來這邊讀書, 讀 DVC, 看來環境不錯。 不過聽說現在 UCB 競爭好大, 就算姪仔讀書咁叻, 要考入也不是易事。  記得當年來美國前的暑假, 常留在家裡想多點時間陪家人, 那時姪兒剛出生不久得幾個月, 阿媽湊, 我便經常也幫手湊這個 BB。 雖然之後因我身在異地, 不常見他, 但眾多姪兒女中, 我對他最有感情。 轉眼十八年, 現在姪人長大出國留學, 就跟我當年一樣。 這幾天他經常 MSN 問我選科, 住宿, 日常生活問題, 我便好像見番當年的自己。 不過我那時冇人可問, 多是自己跌跌撞撞尋找答案。 另外, MSN 過程中我也從姪兒學到 D 嘢, 例如, 886, 55, 我現在知道其意思啦終於。 http://sammycafe.blogsome.com/2009/08/10/nephew-study/ 自澳門回到後, 工作上發生重大變化, 之前隸屬的組被拆散, 我被分配到另一個經理, 是中東人叫「穆哈默」, 不過我仍 leads 同一個 product line。 新經理重新分配組員, 加入兩位新血, 其中一位印度人「卡釋」, 做事有主見有衝勁, 我和經理「穆哈默」都什喜歡他, 交了一個有適量挑戰性的 project 給他, 本來是打算讓他熱身的。  想不到, 基於顧客的要求, 這計劃的重要性突然提高, 要於三個星期, 7月尾完成, 我被迫向卡釋定下明確的時間表。 這時他開始覺得有壓力, 作出反抗, 只要任何人或任何事有變更, 他便公開說: 「因為原因 ABC, 可能要遲一兩天才能交貨 …」  這令經理「穆哈默」十分不滿, 認為那麼\些理由只是籍口, 在開會時同卡釋吵了一次, 更怪我唔夠強硬。  之後經理私底下告訴我, 卡釋常有遲交貨的紀錄。 但現在是新組的第一個計劃, 所以, 無論如何, 一定要準時交貸。  如此情況, 又用了我不少腦汁, 出了好多計仔施加了「軟壓力」, 一要令卡釋準時交貸, 二要不傷全組和氣, 三要老細放心。 詳情不談了, ... http://sammycafe.blogsome.com/2009/08/05/new-team/