付出與收入
早前睇明報社評, 話香港警察投訴冇人工加, 影響士氣; 他們卻不知大部份市民, 不單只冇人工加, 隨時連份工都會冇埋。 呢個情況, 我呢邊一樣, 過去幾年基本上是冇人工加的, 無論公司賺錢與否。想加人工!? 一係升職, 一係跳槽, 情況真係有點灰。
有說, 看看身邊比自己更不幸的人, 便會慶幸自己的景況。咁我喜歡以另一角度去看 — 從前和現在的自己。
記得第一份工, 暑期工來的, 在製衣廠做打雜, 由朝忙到晚, 又擔又抬, 苦力一名, 每一小時賺的錢, 夠我食一碟芽菜炒麵。後來讀U, 在圖書館擺書, 又係暑期工由朝做到晚, 但只係放吓書, 可慢慢來唔使急。 呢次每一小時賺的錢, 夠我食一份麥記套餐, 有汽水啊。到剛出來做正職, Fresh Grad 好勤力架我, 每日唔過7點唔會走。做電腦的, 有得坐, 舒服多了, 人工也大大增加, 足夠租屋自立生活。再到現在, 都係做電腦, 但少了做事多了開會吹水, 每日6點幾就走因要接仔女, 而人工比以前更多, 可供樓和供養家庭了。
就咁睇, 付出越少收入越多, 還有什麼好怨, 直頭要大笑三聲呀, 哈哈哈!
yes, comparing to oneself is better than comparing to others. the happiness or satisfaction arise from comparisons is built upon the misfortune of others.
Comment by skc — July 2, 2009 @ 3:30 pm
skc: 俗語話, 要贏人先要贏自已, 同自己比較唔怕傷感情。
Comment by 森記 — July 11, 2009 @ 4:27 am